Aizawl: BJP Mizoram President Vanlalhmuaka chuan Mizoram sorkar hian central sorkar hi hlau chunga dawr lovin a kalkawng dik taka a dawr a nih phawt chuan puihna an hmuh ngei a rin thu a sawi.
Nimina an party pisa-a chhung inkhawmah thu sawiin BJP State President Vanlalhmuaka chuan tun hnaia Lengpui Airport chungchangah a kalkawng tur dik tak zawk chu union minister rawn zinin a rawn puang tih sawiin, “Lengpui Airport hi Mizoram sorkar chuan a enkawl zawh loh laiin a chei thatna tur sum sorkar laipuiin an dah thu chu kan tuallaiah a rawn puang thung,” a ti.
Vanlalhmuaka chuan Lengpui Airport hi hlawk zawk leh tha zawk a tihchangtlunna tur sum lak chhuahna turin Mizoram sorkar hian ruahmanna a siam a, a tul anga central sorkar hi a dawr ngam a ngai tih sawiin, “Hmasawnna hnathawhna turin Pu Modi-a kaihhruai, central sorkar chu englai pawhin a inpeih reng,” tih sawiin, Mizoram sorkar hian central sorkar hi hlau chungin dawr lo se, a kalkawng dik taka an dawr a nih phawt chuan, central sorkar puihna an hmuh ngei a rinawm tih a sawi.