Sorkar siamtu an ni emaw, eptu lama awm an ni emaw, kan aiawha thlan tlin, kan aiawha rorelna in sanga thute an nih miau avangin an chetla leh awka chhuak kan ngaichang a, kan lo chik hlawm thin hle.
Hetiang a nih vang tak hian roreltute pawhin mahni awmna party tan zawng ringawta chet a rem lo a, a tul huna sorkar an thawhpui thiam a, an ep thiam pawh a tul awm e.
Ram mipui aiawhtute an nih miau avangin mahni tanghma hai ngawta an chet a rem lo a, awka an chhuah lah a rem hek lo. Ram rorelna thilah ngat phei chuan hmathlir thui tak an neih thiam pawh a ngai hle mai.
Sorkar siamtute chu mipuite kan ni a, assembly rorelna neih mekah pawh mipuite ngaihdan leh MLA te pawhin an bial mite duh dan a awka an chhuah thiam a, hmasawnna ke pen zawnga chet an lak thiam a ngai viau.
Kan ram hi kan ta a ni a, a that leh mawiah mawhphurhna thui kan nei a ni tih hria a rorelna in sang atanga ram pum huap hmathlir nei tha nih tum ngei hlawm mawlh teh se.