Argentina chuan World Cup qualifiers-a Uruguay leh Brazil an hmachhawn turah Tottenham defender Cristian Romero chu squad-ah an telh.
Kum 26 mi hi December 8-a Premier League-a Chelsea-in 4-3-a an hneh tum khan a malpui tinain a la inkhel leh miah lo.
Spurs hian Romero-a enkawlna hi uluk takin an kalpui a, an defender hi tun season-ah league-ah vawi 12 chiah a la inlan.
First-team training-ah chuan a inlan leh thei tawh a; mahse, inelna a la hmachhawn lo.
Spurs hian ram leh ram inkhelh chawlh hmain vawi li – Europa League-ah pahnih leh Premie League-ah vawi hnih khelh tur an la nei.
World Cup champion Argentina hi Conmebol World Cup qualifiers-ah point ngain hma an hruai mek a, vawi 12 an khelh tawhah vawi riat an chak.
March 21 hian pahnihna, Uruguay khel tura zinin March 26-ah Buenos Aires-ah Brazil an mikhual zui ang.
Manchester City midfielder kum 19 mi, River Plate atanga kum 2024-a an lak luh, Claudio Echeverri pawh a vawi khat nan ram tana khel tura koh a ni.
Aston Villa goalkeeper Emi Martinez, Liverpool midfielder Alexis Mac Allister leh Chelsea midfielder Enzo Fernandez te pawh manager Lionel Scaloni-a’n a koh zingah an tel.
Arsenal winger Gabriel Martinelli chu Brazil-in mi 52 a koh chhin zingah a tel.
Kum 23 mi hi February 5-a EFL Cup semi-final-a Newcastle-in 2-0 -a an hneh hnuah a inla inlan leh lo.