Aizawl: Inrinni khan Aizawl East II bialtu MLA B. Lalchhanzova chuan a bial chhunga PWD kaihhnawih hmasawnna hna thawh mek leh hmachhawp hrang hrangte a tlawh.
Revenue Minister B Lalchhanzova chuan Chite veng lei atanga Ramthar veng lei inkar kawng siam thar tura hmachhawp awm mekte chu helai kawng hi mi tam tak chhawr tangkai tur a nih avangin kawng a tlang ngei theih nan theih tawp a chhuah tur thu a sawi.
Supply minister ni bawk chuan Armed veng South huam chhunga kawng siam that ngai leh siam thar ngaite tlawhin veng mipuite mamawh kawng siam a nih thuai theih nan a tul anga bawhzui zel a tum thu a sawi bawk.
B. Lalchhanzova chuan Tuithiang leh Chhinga venga PWD ten kawng siam that hna an thawh mekte leh Armedveng kawng siam thatte pawh tlawh nghal bawkin, a bial chhung hmun hrang hranga PWD hmalaknaah lawmthu a sawi.
Bialtu MLA hi AMC ward VIII Corporator Christina Roluahpuii Sailo, R Lalrinngheta, SE, PWD bakah PWD hotute leh khawtlang hruaituten an tawiawm a ni.