Aizawl: Mizoram Baptist Kohhran, Assembly vawi 129 -nam BCM Biak In Chanmari-a neihah, nimin chawhma khan pastor nemngheh inkhawm (Ordination Service) neih a ni.
Nemngheh inkhawm hi Rev. Dr. R. Lalbiakliana, General Secretary BCM-in a kaihruai a, Rev. Vanlalmuankima, Director, Pastoral Department chuan Minister nemngheh turte hmel hriattirna neiin, Rev. Dr. Raltawnga Chhakchhuak-in tawngtaisakna a nei a. Rev. Dr. C. Vanlaldika, BCM President chuan minister nemnghehna a neih hnuah fuihna thu leh thuchah a sawi.
Nemngheh inkhawmah hin BCM Choir leh Chanmari Pastor Bial Zaipawl ten Pathian fakna hla remin, Rev. LB. Khawpuimawia’n malsawm tawngtaiin inkhawm a tin a ni.
Tun tum assembly-ah hian minister atan mi panga nemngheh niin, probation hun hmang zo tawh, Pastor biala awm turte an ni.