Aizawl: School Education Minister Dr Vanlalthlana chuan, Aizawl Smart City project hnuaia High field-a field chhawng sak chungchangah School Education department-in No Objection Certificate (NOC) an pek a hriat loh thu house a hrilh.
Nimina Assembly Budget Session neihah zawhbelhna chhangin Dr Vanlalthlana chuan, “Smart City project hnuaia High field-a field chhawng sak mekah, school education-in NOC kan pek hriat a ni lo a. An lo sa tawp a, kan lawm khawp mai,” a ti.
Dr Vanlalthlana chuan, “School education department-in field kan neihah an rawn sak hnan a, tha tak kan nei turah kan ngai,” a ti.
NOC awm lova sak ngawt dan chu a hriatthiam chiah loh thu sawiin, “Hmanniah file a rawn kal a, NOC an rawn dil hnuhnawh a. Kan sorkar hnuah NOC an dil hnuhnawh,” tiin Dr Vanlalthlana chuan project theh luh dawnin NOC a ngaih thin thu a sawi.