Aizawl: Excise & Narcotics Department chuan tun hnaia Mizoram sorkar atanga lirthei chi hrang hrang an dawnte an sem chhuak.
Zirtawpni khan Excise & Narcotics Department chuan state sorkar leh Transport department kaltlanga SASCI atanga lirthei chi hrang hrang an hmuhte chu Excise & Narcotics Department hnuaia Station hrang hranga hman turin an sem chhuak.
Excise & Narcotics Department-in lirthei an sem chhuah te hi state sorkar atangin Mahindra Bolero Camper pali, Mahindra Scorpio pakhat, Maruti Eeco Van panga, Yamaha FZ (Two Wheeler) pali leh SASCI atangin Mahindra Bolero B6 pali a vaiin lirthei 18 a ni.
Lirthei an dawnna tura hmalaksaktu, Finance changtu Chief Minister Lalduhoma leh leh Excise & Narcotics Minister Lalnghinglova Hmar-te chungah END chuan lawmthu an sawi.