Aizawl: Mizo Zirlai Pawl (MZP) chuan an Vice President C Lalremruata hoin Inrinni khan Union Home Minister Amit Shah chu Raj Bahvan-ah kawmin ramri hung leh ramria intlawhpawhna thiah a ni chu Zofate inpumkhatnan tha an tih loh thu ziakin an thlen.
An inkawmnaah hian MZP hruaitute chuan India leh Myanmar inkar hung tumna leh, Free Movement regime (FMR) thiah a ni chu Zofate inpumkhat nan tha an tih loh thu ziakin an thlen.
MZP chuan zirlaite tana hmasawnna tur thil hrang hrang sawipui bawkin, Union Home Minister hnenah thingtlang, a bikin ramri hrula sikul building tihchangtlun a ngaih ngasat thu leh, zirlaite’n harsatna an tawh thin hrang hrangte, Mizo thalaite Centre Service leh All India Service-ah an luh tlem chungchangah hmalakpui tur te leh coaching facility ngaihtuah sak tur te, thingtlang leh hmun hla zawka awm zirlaite harsate tan national integration tour buatsaihsak turten an thlen.
Union Home Minister Amit Shah chuan MZP thil thlen hrang hrangteah sum ngai turte chu sorkar laipui atangin theihtawp chhuah ngaihtuahpui a tum thu te leh hma laa a lo en zui a tum thu a lo hrilh.