Mizo Photographers’ Society (MPS) chuan kumin Chapchar Kut denchhenin Kut Lady 2025 atan Christy Lalrinfeli an thlang.
MPS in Kut Lady an thlan result hi Inrinni zan khan Vaivakawn Cultural Centre cum Ausitorium, Vaivakawn, Aizawlah neih niin, Nursery veng nula Christy hi an thlang chhuak a ni.
Lalrinnungi, Kulikawn chu 1st Runner Up niin, Lalnuntluangi, Chanmari chu 2nd Runner Up a ni bawk.
MPS hian Chapchar Kut Lady hi kum engemaw chen kalta atang khan lo thlang tawhin, ngaihhlut a hlawhin, an thlan chhuahte hi hriat zui hlawh tak tak an lo awm nual tawh.
Chapchar Kut Lady 2025 thlan chhuah leh lawmman hlanna inkhawm hi Baryl Vanneihsangi, MLA chuan khuallian niin a hmanpui bawk.