Aizawl: I&PR Minister Dr Vanlalthlana chuan Printing & Stationary department leh I&PR department-te hmun khata zawm chu Council of Ministers-in a pawm tawh thu a sawi.
Thawhtannia Assembly Session-a zawh belhna chhangin Dr Vanlalthlana chuan, Printing & Stationary leh I&PR department zawm chu council of ministers-in a pawm tawh a. Chutihrualin tihfel ngai leh buaipui ngai a la awm a, ruahmanna hi la tihfel loh niin, bawhzui mek a nih thu house a hrilh.
Dr Vanlalthlana chuan Mizoram calendar siam nan nikum khan Rs nuai 54 an sen thu leh kuminah Rs nuai 56 vel an sen thu a sawi a. Nikum khan calendar 74,000 leh kuminah calendar 90,000 an print thu a sawi a. Diary hi a lian a te chu nikumah 3,150 siam a nih laiin, kuminah 6,000 ve ve siam a nih thu a sawi.
Journalist pension chungchanga tunah hian fund neih ang atangin mi pariat hnenah pension pek a nih thu a sawi bawk.