Tunkar tawp, inrinni zan hian Lilzo Second Wave Comeback Concert a awm dawn a, ticket zawrh chhuah a nih atangin hralh a kal nghal hle.
Hun rei tak thawm nei lova a awm hnuah rapper hriat hlawh Lilzo chuan Vanapa Hall-ah concert a nei leh dawn a, kar hmasa nilaini atang khan concert ticket zawrh chhuah niin, lei an thahnem tawh hle.
Lilzo comeback concert-ah hian zaithiam dang Mary Dawngi, Zothana, Ngura leh Youth Icon star Kimkima te pawh zai tura beisei an ni a, anmahni hla theuh bakah Lilzo hla pakhat theuh an sakpui dawn a ni.
He comeback concert-ah hian mipuite surprise turin hranghlui zaithiam an chawimawi dawn a, hei erawh an la thup rih thung.
Ticket hi Rs 500, Rs 300 leh VIP ticket Rs 1,000 man awmin, Pick n Drop Delivery, Chanmari West, Vaivakawn Road, Aizawlah zawrh niin, a hmuna lei thei lo tan an deliver thei bawk.
He concert-a host tur hi social media lama lar tak Teresa Pachuau a ni dawn bawk a ni.