Aizawl: Budget Session neih mekah Thawhtanni khan Parliamentary Affairs Minister Vanlalhlana chuan, MLA hluite hlawh leh hamthatna dan siam thatna tur, ‘The Mizoram Salaries, Allowances and Pension of members of the Legislative Assembly (Amendment) Bill, 2025’ a put lut chu member-ten sawi ho lovin an pawm.
MLA hluite hamthatna tur dan siamthatna pu luttu Vanlalhlana chuan, damdawi inah MLA hluite an inenkawlin sorkarin senso tumsak thei mah se, an vah velna senso (travelling expense) tumsak an ni ngai lo a, dan ding laia chumi an tih theih lohna chu paih a nih thu a sawi.
FLAM an vui thin tih sawiin, a dan siamthat dan tur chu GPC-in an en a, section 18A paihin MLA hluiten damdawi ina an inenkawlin an vahvelna senso an bill ve thei dawn tih a sawi bawk.