Aizawl: Cooperation Minister PC Vanlalruata chuan Ningani chawhnu khan Mizoram State Cooperative Union (MSCU) Golden Jubilee lawmna, MSCU Training Hall, Dawrpuia buatsaih chu khuallian niin a telpui.
MSCU hi March, 1975 March-a din a ni a. A din chhan leh tum ber chu Mizoram chhunga cooperative society-te hmasawn zel theihna tura zirtirna pek leh a tul dan ang zela district leh state huapa seminar leh workshop buatsaih a ni.
Khuallian chuan MSCU chu cooperative society tha leh thangduang siam tura tul em em zirtirna leh inhrilhhriatna pek kawnga an hnathawh chu pawimawh a tih thu a sawi a. Training leh education chu society-te tan thahrui a nih thu sawiin kalphung dik zawk te, thawhho dan te leh hmasawn zel inhrilh hriat tul thu a sawi.
Minister chuan India ram economy hmasawnna atana ram dan duangtuten cooperative society an ngaih pawimawh thu sawiin, “Vawiin thleng pawhin a pawimawhna a la reh lo,” a ti a.
Minister hian sorkarin society-ten hma an sawn zel theihna tura a theihna chin chin a hma lak a nih tur thu a sawi a ni.
Khuallian hian jubilee souvenir a tlangzarh bawk.
Khualzahawm, John LT Sanga, Registrar of Cooperative Societies pawhin MSCU-in kum 50 tlin an lawm thei chu ropui a tih thu leh hma sawn belh ze tura a duhsakna a hlan a. MSCU hian society te tan rawngbalwna hna tha tak an thawh thin thu a sawi bawk.
Jubilee lawmna inkhawm hi an president, K. Lalchamreia’n kaihruaiin CEO K. Lalduhawma’n report a pe bawk.