Khua a ro chho telh telh a, ruahtui kan dawng mai rih bawk si lo. Chenna in leh ram kang hriat tur a awm chho ta zauh zauh bawk. Mitin kan fimkhur a ngai zual hle.
Kan lui hnar tam tak a kang chat a, kan lui tui leh tui kan lakna tam tak a ni telin a kang hret hret bawk. Hetih lai hian kan mamawh erawh a ngai reng a, tui kan mamawhna chu a sang sauh sauh thung ti ila kan sawi sual zawk awm lo e.
Hetiang hi kan dinhmun a nih miau avangin mitinin kangmei tichhuak lo tura tan kan lak thar sauh sauh a ngai a, zin mite pawhin kan meizukna bungte tihlum lova paih mai lo turin kan hriatna i han tizau thar leh teh ang u.
Kangmei chhuak pawh nise tui kan mamawh khawp kan hmuh loh telh telh avang hian engkim a harsa chho a, tui renchem kan uar a, thing phun kan uar sauh sauh hi chu a ngai a ni. Tuten emaw thing phun leh ngawte hi tui hna siamtu a nih loh thu lo aupui ve khiah thin mah se, mithiam zawkten a zira an zirchhuah, tuihna siam tam lam kan uar sauh sauh a, zirchiang mite thu kan la zawm ve reng hi a tul a, kangmei chhuak thei laka kan inven uluk zual sauh pawh a tul hle.
Kan ram hi chenna tlak, ram nuama kan chhuah reng theih nan kangmei chhuak thei lakah mitin inveng fimkhur ila, tuihna kan lo ngah thar leh deuh deuh theih nan thing phun leh ngaw humhalh kawngah mitin i harh thar zual bawk teh ang u. Hei lo ram dang kan nei si lo a.