Aizawl: Tun hnaia vawk hri African Swine Fever (ASF) leng thar leh avangin nimin khan vawk 28 an thi leh a, vawk suat report a awm lo thung.
Nimina vawk thite hi Mamit district-a Zawlnuamah vawk pathum, Lawngtlai-ah Lawngtlai III-ah pathum, Lawngtlai IV-ah pariat, Electric Veng-ah pathum, Bethel-ah pahnih, Bazar-ah pariat, New Vengpuiah pakhat, a vaiin vawk 28 an thi.
AH&Vety Department-in a chhinchhiah danin kumina ASF hri a len thar leh tak hnuah hian vawk 549 thi leh tawhin, vawk 107 suat a ni.
Kumin January atanga nimin thleng khan Mizoramah hri leng avangin vawk 549 an thi tawh a, vawk suat tawh zawng zawngt zat hi 107 niin, district pahnihah chauh vawk hri leng nia hriat a la ni a. Hetih lai hian khaw 13-ah hri leng avanga buaina tawk an la ni.
December 24, 2024 atanga ni 80 chuang ASF vawk pul hri avanga vawk thi leh suat a awm tawh loh hnuah kumin March thla laihawl vela vawk thi report dawn a nih leh tak avangin vawk thi leh damlote sample endik hnu chu Guwahati laboratory-ah thawnin, March 20 khan ASF vang a ni tih a rawn finfiah ta a ni.