AZL: Kolasib District Sports Committee member-te chu nimin khan Kolasib DC Conference Hall-ah an thukhawm a. He thutkhawmna hi District Sports Committee term kal lai mek, May 2, 2025-a a tawp avangin term thar a hruaitu hna chelhtu turte nomination leh inthlan dan tur chungchang niin Vanlalsawma, Senior Vice Chairman, District Sports Committee-in a kaihruai a ni.
Thutkhawmah hian thurel tur hrang hrang chhawpchhuah a ni a. Chungte chu – Post Vacant leh candidate tur chungchang, candidate-te hming pek luh hun leh a hmun tur, financial secretary post atan mi pahnih nominate tur chungchang te leh election hmun leh a hun tur chungchangte an ni.
Heng thurelte hi C Lalrinsanga, DSYO leh Secretary, District Sports Committee, Kolasib ni bawkin sawi zauin kalkhawmte hian an sawiho a ni.