- Dr. C. Lalrampana
A KAMKEUNA
Khawvelah hian natna chi hrang hrang a awm a, chung zingah chuan taksa hmun hrang hrang nghawng thei natna 26,000 chuang a awm a ni. Thihna thlentu lian ber chu rilru lam natna, thawkna lam natna, leh COVID-19-te an ni. Mihring natna database, malacards-ah hian natna 26,000 chuang a awm a ni. Kum 2021-a rualbanlote’n an insiamrem theih lohna (Disability-Adjusted Life Years) (Dalys) a chhan 10-te chu ischemic heart disease, COVID-19, stroke, leh a dangte an ni. Kum 2021 khan khawvel puma mi maktaduai 68 thi zawng zawng zinga 57% chu thihna thlentu 10 zingah a sang ber a ni. Thihna thlentu lian ber chu rilru leh thawkna lam natna nen a inzawm a ni . Kum 2021 chhung khan noncommunicable diseases (NCDs) vangin mi maktaduai 43 vel an thi a ni. Kum 20 kalta chhung khan khawvel puma thihna thlentu lian ber a la ni. Alzheimer natna leh dementia chi dangte chu khawvel pumah thihna thlentu 10 zingah a tel a ni. Zuk leh hmuam hman dan te, taksa chak lohna te, zu in dan te, ei leh in hrisel lo te, leh boruak bawlhhlawh zawng zawng hian NCD atanga thih theihna a tipung nasa hle a ni. TB vei theihna tur risk factors-te chu zunthlum, HIV kai, leh TB veite nena inhnaih tawnnate a ni.
TIHDAM THEIH LOH NATNA
Khawvel pumah hian tihdam theih loh natna tam tak a awm a, a zat dik tak hriat erawh a harsa hle. Mi thenkhat chuan natna tihdam theih loh, mahse, a venna leh tihziawmna damdawi nena dampui ve reng theih si hi 400 zet a awm niin an sawi thin. A tlangpuiin tihdam theih loh leh kal zel, natna khirh tak takte hian American mi maktaduai 133 vel a nghawng a, he ram mipui zawng zawng zinga 40% aia tam an ni. Mi maktaduai 157 velin an pung dawn niin an chhut a, maktaduai 81 chuan condition hrang hrang an nei dawn niin an sawi.Natna tihdam theih loh tam tak awm karah a lar zual deuh deuh tarlang ia: Allergy, asthma, leh anaphylaxis ang chi natna hian damdawi a nei lo a, mahse symptoms chu enkawlna nen enkawl theih a ni. Autoimmune Disorders, Multiple sclerosis, lupus, leh ruhna-ruhseh (rheumatoid arthritis) ang chi natna hian damdawi a nei lo a, mahse damdawi leh nunphung thlak danglamna hmangin symptoms-te chu enkawl theih a ni. Cancer chi thenkhat chu tihdam theih a nih laiin, a then chu glioblastoma, leukemia, leh pancreatic cancer-te hian damdawi an nei lo. Degenerative diseases: Alzheimer natna, Parkinson natna, leh Huntington natna ang chi dinhmun hian damdawi a nei lo. HIV/AIDS, Herpes Simplex, leh Ebola ang chi natna hian damdawi a nei lo a, mahse symptoms chu enkawlna nen enkawl theih a ni. Neurological Disorders: Epilepsy, muscular dystrophy, leh amyotrophic lateral sclerosis (ALS) ang chi dinhmun hian damdawi a nei lo. Tunah hian zunthlum damdawi hriat tur a awm lo. Mahse, zirchiangtute chuan enkawlna thar leh damdawi awm thei turte chu active takin an dap mek a ni. Diabetes chi hrang hrang: Type 1 Diabetes: Autoimmune natna pakhat, taksain a taksa hriselna a beihna chuan pancreas-a insulin siamtu beta cell-te chu a bei a, a tichhia a ni. Tunah hian Type 1 diabetes damdawi a awm lo. Type 2 Diabetes: Metabolic disorder a ni a, insulin resistance leh insulin secretion tihchhiat a ni. Type 2 diabetes damdawi a awm loh laiin, nunphung thlak danglam leh damdawi hmanga enkawl theih a ni fo. Damdawi leh enkawlna awm thei te: STEM Cell Research: Scientist te chuan stem cells hman dan an zirchiang mek a, pancreatic cell chhia te chu an siam thar leh emaw, an thlak danglam emaw a, chu chuan type 1 diabetes damdawi a thlen thei a ni. Islet cell transplantation: Researcher-te chuan islet cell hrisel tak tak, type 1 diabetes neite hnena transplant dan tur siam dan tur an siam mek a, hei hian insulin siamchhuahna tur a siam tha thei a ni. Bionic Pancreas: a inbel theih. Heng bak pawh hi natna mak tak tak, tharlam tak tak engemawzat a la awm a, tarlan vek a harsa a, a damdawi pawh a awm lo.
TIHDAM THEIH NATNA: Khawvel pumah hian tihdam theih natna tam tak a awm a. Entirna thenkhat chu hetiang hi a ni: Natna hrik kai theih, Tuberculosis (TB): Kum sawm tam tak chhung chu damdawi a awm tawh a, ram hausaah chuan natna hmuhchhuah leh enkawlna a awm bawk. Malaria: Thosilen (Mosquito net), damdawi, leh vaccine pek ang chi hmanga tihdam theih leh ven theih a ni. Tuihri (Cholera): Oral rehydration solution hmanga enkawl awlsam, tui, chi leh sugar hmanga enkawl dam theih a ni. Hepatitis B: antiviral damdawi hmanga enkawl theih a ni. Cancer chi thenkhat chu tihdam theih a ni a, a bik takin hmuhchhuah hma erawh a ngai. Gastrointestinal Infection tam tak, salmonella emaw E. coli emaw avanga lo awm thinte hi antibiotics hmangin tihdam theih a ni. Vun natna (Skin infection) Impetigo emaw cellulitis ang chi natna hrik hi antibiotics hmangin tihdam theih a ni. Zunkawng thalo (Urinary tract infection) antibiotics hmangin a dam thei. Heng natnate hi tihdam theih a nih laiin, healthcare leh enkawlna tha nen a hun taka enkawl loh chuan tihdam harsa tak an ni thei. Chuvangin, natna enkawl kawngah fimkhura namnul mai mai loh a tha ber.
ISRAEL RAMA NATNA VE THUNG
Bible-a tarlan a nih danin Israel-te khu Pathian hnam thlan leh a duat bikte an ni. Hei vang hian Kristian tawh phawt chuan kan ngaisang hle a. Abikin Zohnahthlakte phei chuan kan ngaisang hle a, sakhuana avanga pem lut tawh pawh thahnem tak an awm. Tlawh ve thei lo leh pem ve thei lote pawhin Aizawl klhawpui chu “Zofate Jerusalem” kan la ti ta fan a. Aizawl khawpui chhungah lah Isua pianna khua Bethlehem te kan nei a, Aizawl khawpui leh khawpui dangah Saron, Hebron, gilgal, jordan, Elim, Gosen, Kanan, dragon valley, galili etc, kan nei thluah mai. Israel kan ngaihsan luat avangg hian a ram chhunga awm ei leh in chi, huanthlai leh chawhmeh ilo pawh tha danglam uchuak bik tak niin hahipin kan sawi tthin. Hmelma hrang hrang nena an indo lahin kan tan nghal em em zel a, an ralthuam neih lah kan fak uchuak mah mah thin emawni? Hetiang taka kan ngaihsan avang hian natna chihrang hrang pawh hi a awm ve meuh lo niin kan ngai hial tthin. Mahse, khawvel pakhat ve tho a nihj avangin Pathian hnam thlante ni mah se, natna chihrang hrang hian a bawm ve tho a ni tih kan hriat theih nan eng natnain nge a tihbuai ber thin tih tlem i han tarlang teh ang: Israel rama natna vei tam ber chu: Cancer- Israel rama thihna zawng zawng hmun lia thena hmun khat vel nia chhut a ni a, Mipa zingah chuan lung cancer a tam ber a, hmeichhe zingah erawh hnute cancer a tam ber. Coronary Heart Disease: Thihna thlentu ber pahnihna a ni a, lungna (heart disease) vanga thihna hi kum 1998 atang khan 50% zetin a tlahniam a ni. Zunthlum (Diabetes): Thihna thlentu lian tak a ni a, zirchiangtute chuan artificial pancreas leh glucose-sensing enzymes ang chi solution thar siam tumin an thawk a ni. Israel rama natna khirh tak tak awm ?hin dangte chu: Zunthlum (Diabetes Mellitus); Hyperlipidemia; Lungna (Ischemic heart disease), pakhat zel hian puitling population 2 5-6% vel a nghawng. Heng hriselna chungchanga thil awmte hi Israel-in healthcare system a siamte tan chuan a pawimawh ber a ni a, invenna, zirchianna, leh thil thar siamna lama hmalaknate ngaihtuah mek a ni. Israel chuan ramdang hnathawk ?henkhat HIV test ngai turah dan a nei a, Ministry of Interior chuan HIV veite tan work permit pek phal lohna a nei. Mahse, Israel rama HIV vei tam dan hriat a harsa hle. Hriat tur chu ram thenkhat chuan HIV vei khualzinte chungah khapna an nei a, Israel pawh chutiang zinga mi chu a ni. Mahse, heng khapnate hi hun kal zelah a danglam thei a, Israel sorkar official website-ah zawhfiah emaw, thu thar ber ber hriat duh chuan Israel Embassy-a zawhfiah emaw a pawimawh hle. Khawvel puma HIV vei zat hriat duh i neih chuan UNAIDS-in a tarlan dan chuan kum 2021 khan khawvel pumah HIV/AIDS vei mi maktaduai 38.4 vel an awm a ni Mahse, Israel ramah hian HIV vei tam dan data chiang tak hmuh tur a awm lo. Kum 1981 leh 2022 inkar khan Ministry of Health (MOH) chu HIV/AIDS vei 11,603 chungchangah hriattir a ni a, chung zinga 1,832 chuan AIDS an vei a ni. Mi 1,810 leh mimal 1,062-te chu Israel chhuahsan tawh nia ngaih an ni.Tunah hian mimal 8,735 chu Israel rama HIV/AIDS (PLHIV) vei niah an inziak lut mek a ni. Mahse, thihna certificate leh residential status chungchanga hriattirnate chu a chunga kan sawi agency-te hian an pek chhawn mai a ni a, Department of Interior atanga automatic-a an dawn loh avangin a zat dik tak chu a danglam a rinawm. Kum 2022 khan MOH-ah hian mi thar 457 an awm a, kum 2021 khan mi 388 an awm a, 17.8% zetin an pung a, HIV vei zat chu mi 100,000-ah 4.1 atangin 4.7-ah a pung thung. He rate hi Europe chhim lam leh North America ram tam zawka report aiin a hniam zawk a ni. Hetianga a punna tam zawk hi Russian Ukraine-in an rawn beih hnua pem lut leh asylum dilte an pun zel vang a ni Kum 2022 chhung khan carrier thar 178 a awm nia sawi a ni.
ZORAMIN THISEN CANCER A VEI
“Kan zotlang ram nuam, fiaratui thiang luanna, boruak thiang nuam, sik leh sa a tawk chauha Pathianin a siamsak ram, Mizoram hi Pathian zawn chhuah hnam, Pathian voh bik hnam kan ni” tiin kan insaipuk a, kan inchhekarbawm a, kan kristianna kan chhuang êm êm a; mahse, natna khirh khan leh tihbaiawm pui pui leh khawvel ram dang pawha awm ve mang lo natna thar danglam khirh pui pui vei kan tam hle ringawt niin a lang. Israel-ah hian mihring vbc 10,032,540 an awm a, heng zingah hian 73.5% chu Juda an ni a, muslim 21% an awm bawk. Heti zat mipui atang hian HIV+ vei hi mi 8,735 chauh an awm anga ngaih a ni a. Mizoramah mihring cheng zat chhut thar berah mi nuai 14.16 (2025) vel lek kan ni. Heti zat lek atang hian HIV+ vei mek Dr. Raltea sawi danin, Mizoramah mi 32,287-te chu HIV an vei tih an hmuchhuak a, January 2025 thleng khan mi 5,511 an thi a ni. A buaithlak hle a, April 2024 leh January 2025 inkar chhung ringawt pawh khan HIV+ kai thar mi 1,769 hmuhchhuah a ni a, hei hian HIV+ avanga harsatna tam tak kan hmachhawn mek a ni tih a tilang a ni. Pathian hnam thlan theuh theuh kan va inthlau ve? A va’n zahthlak haih haih ve? Mizo physician thiam tak pakhat chuan Sikul naupang (teenager)-ho hnenah “In thil neih zungthum bawk lek pawh in hum zo lo maw, a va mak ve?” tiin an thianghlimna vawnghim turin a fuih a. A va han dik tehlul em! Mizorama HIV+ vei tamna chhan ber hi hmeichhiat mipat hman sual nasat lutuk vang a ni. Damdawi ruihhlo hlauhawm, hausak thutna hri tha lo leh internet hmansual tam êm êmna hmun kan ram riangte hi kan tu leh fa thang tharte tana seilenna tlak pawh a ni ta lo maw?
A TLANGKAWMNA
Israel-te bawhchhiatna vanga mittui seng hnem êm êm thin hruaitu ropui Mosia, zawlnei Isaia, Jeremia leh Ezekielate kha vawiinah hian kan Zoramah lo awm ve ta se, kan ram leh hnam hi an van tah khum nasa dawn tehlul em! Israel ram angin tahna bang zut tur nei ve lo mah ila, sum thianghlim lo, eirukna leh hlemhletna sum hmanga cement concrete building khawn khir uaia kan sakte hi a bang zuta tap ve vawng vawng tawh zawk tur kan ni. Kan Zoram nundan hi a van hahthlak tehlul em! Kan kohhran puithiam rawngbawltu rualte lah hian HIV+ tam lutuk leh damdawi ruihhlo hlauhawm tam lutuk, ralthuam hlauhawm tawlhruk tam lutuk leh smuggling tam lutuk, lunghlu leh rangkachak tawlhruk tam lutuk aiin thihna tlemte thlen vetu ZU (wine) ringawt an rui emaw ni, zu hming sawi hlek chuan an meng sen rum nghal zel niin a lang. kan ram roreltute lahin Rorelna in sang ber Assembly House-ah ZU (wine) ringawt an lo ruihpui bawk niin a lang bawk nen. Aw! Zoram chhan tlak i awm tawh nange? Ka van lainat tak che em! Aw! Zoram ka hmangaih che asin. Thisen cancer (leukemia) chihrang hrang Acute lymphoblastic leukemia (all); Acute myeloid leukemia (AML); Chronic Lymphocytic Leukemia (CLL); Chronic myeloid leukemia (CML) i vei mekte lak atang hian engtin nge kan chhan chhuah theih tehlul ang che? thisen cancer tihziaawmna chemotherapy tha chi cytarabine, prednisone, doxorubicin, fludarabine, cyclophosphamide telna tha ber ber pawhin I natna hi a chhawk zo tawh lo che em ni? I natna tawrh hi a van rapthlak tehlul êm! Mahse, aw! Zoram, lungngai suh nangmah chhan chhuak tur che Abrahama Pathian, Isaka Pathian, Jakoba Pathian engkimtitheitu a la awm e, A thiltihtheihna hnuaia A kaiza vengtu rinawm fapa Lal Isua leh a unaupate leh farnu Mizo thalai nula tlangval rual fuankhawmna chemotherapy tha chi khai tur YMA an la awm ve e. Anniho hian tha tharin I thisen dâwt zo zela leukemia thlentu natna chimawm tak hi indona ralthuam tha ber ber Russian siam Thermobaric Bomb, Lockheed AC-130: Close Air Support Leh Armed Reconnaissance Lama Specialist Gunship, Side-firing Weapons 40mm Leh 105mm Cannon Leh 25mm Gatling Guns, AH-64 Apache Helicopter tha tak, 30mm chain gun hmanga minute Khata round 600 aia tam kah theihna Leh Hellfire missile 16 phur thei Tsar Bomba nuclear bomb thawk na ber nen i hmelma hi a rawn beilet dawn ta. Engpawhnise, thlamuang takin awm la lo lungngai lo phawt mai rawh.