April 2-5, 2025 chhungin Commonweath Parliamentary Association (CPA), India Region, Zone III chuan hmarchhak state-a Speakers & Dy. Speakers’ Executive Committee Meeting, Gangtok, Sikkim-ah Mizoram Assembly Speaker Lalbiakzama leh Dy. Speaker Lalfamkima te an tel.
He thutkhawmah hian India hmarchhak bial tana thawhhona tha zawk te, harsatna hmachhawn leh do let tura hmalak tulna te an sawiho a ni. Chung zingah chuan kawngpui dinhmun te, drugs hluar chho mek te leh lirnghing thulha tanho dan te leh, hmarchhak speaker/dy. speaker-ten Guwahati-a hmunhma an neih te tih changtlun dan leh awmze nei zawka kalpui dan tur te an rel.
Thutkhawmah hian unau anga hmalak dan tur thil tam tak an sawi a. Chumi zingah chuan Sikkim-in thlai leh theia an hlawhtlin dan te, Assam pawh upa ber chan changa a inhawn a ngaih thu te, kawng hrang hrangah inpawhtawn tak a hmalak a that thu te sawi hovin, meeting hian rah tha a chhuah ngei an beisei.
Hemi hunah hian hmarchhaka speaker leh dy. speaker-te an tel kim hle a; a thlengtu state, Sikkim chief minister chuan lo dawngsawngin a tul dan ang zela thukhat vuana chona hmachhawn turin an state chu a inhawn reng thu a sawi.