Aizawl: MPCC Spokeperson Dr Lalianchhunga chuan ZPM MLA thenkhat chu ram hnuk khawih thil buaipui rei tak tak peih lohah a puh.
April 3 – 5, 2025 chhung hian Saitual leh a chhehvel khaw hrang hranga sawhthing chingtute harsatna a hmuna a enpuinaah MPCC Gen Secy ni bawk Dr. Lallianchhunga chuan, beiseina sang tak nena mipuiten an thlan tlin ZPM kaihhruai sorkar chu kum khat a liam meuh chuan an sawisel nasat em em sorkar kal tawh te an tluk lo hle tih a lang chiang mek tih a sawi a. Assembly Session thutkhawmah ZPM Minister te an che nawi em em a, sorkar kalphung zirchianna tak tak an lo neih lohzia a chiang em em niin a sawi.
Congress thupuangtu chuan ZPM MLA thenkhatin saruak deuhthaw a thla la thin, vainu pakhat an lo buaipui a, airport-ah te an lo zu hmuak chu mak a tih thu sawiin, “ZPM MLA thenkhat hi chuan ram hnuk khawih thil an buaipui rei tak tak peih lo tih a hriat hle,” a ti.
MNF chungchang sawiin Dr Lallianchhunga chuan, “MNF-ah lah Pu Zoramthanga a insawhnghet tulh tulh a, MNF pachal an bei a dawng tan,” tiin, Congress party lo chu mipuite hnena beiseina pe thei party dang an awm tawh loh thu leh Zoram mipuite an beidawn zel lohna turin Congress party an sorkar a ngaih thu a sawi.