Chawlhkar kalta Ningania Aizawl Zion Street-a mi vittu, Zoramsanga (39), Hunthar veng chu MLP Act hmanga thubuai siamsak a ni.
Zion Street, Aizawl-a invih chungchanga Aizawl Police Station-in an sawi fiah danin, April 3, 2025 chawhma dar 9:10 khan Zion Street, Dawrpuiah invit an awm thu an dawn rualin Aizawl PS duty officer leh a hote chuan an tlan thla nghal a. A hmun atang hian a vittu, Zoramsanga hi Aizawl PS-ah lak niin thu zawhfiah nghal a ni.
Zoramsanga hian a sawi danin, a thianpa Lalchhuanmawia, Bethlehem vengthlang, Aizawl nen an inhnialbuai chu, a thianpa chuan a thil zawrh lai a thei (fruits) chu a paihdarhsak a. Amah hi pianphunga rualban lo (ke bai) a nih avangin nidangah pawh a lo chhaih thin a. Hetia a thil zawrhlai a paih darh sak takah chuan a thinrim chuan pencil knife ken lai chuan anak veilamah a vit ta a ni.
Kut tuartu Lalchhuanmawia hi Civil Hospital, Aizawlah hruai nghal a niin, enkawlna pek a nih hnuah April 4, 2025 khan chhuah leh a ni.
A tuartu Lalchhuanmawia leh a chhungte hian, thian inkawp reng, thil zuar dun thin an nih avangin FIR thehluh an duh lo a, amah Lalchhuanmawia pawhin ziakin case siam a duh loh thu a thehlut bawk a ni. Amaherawhchu, Zoramsanga hian zu a ruih avangin breath analyser ham tir a niin, BAC pawh 169mg/100ml a ni. Zu a ruih avang hian April 4, 2025 khan zurui thubuai (AZL-PS Non-FIR PartTIV C/No 29/20225 dt 04.04.2025 u/s 6 (3) MLP Act) siamsak niin, District Court, Aizawlah thawn a ni.