Kum khat chhunga dan bawhchhia lirthei khalhtute sumfai chawi tlingkhawm chu Rs. nuai 130 chuang a ni.
Sorkar kum liam ta, April, 2024 atanga March 31, 2025 inkar khan District Transport Office, Aizawl Enforcement staff chuan dan bawhchhiat avangin lirthei 3,000 vel an man hman a. Heng lirtheite sum chawi tlingkhawm hi a vaiin Rs. 1,38,12,900 a ni.
Thla khat chhunga sum chawi tlingkhawm hi Rs nuai 10 a chuang deuh vek a, June leh December, 2024 bakah January, 2025-ah a tling lo.
A hmuna sumfai chawi tur nei lo emaw, tlan tlang lui emaw, an lirthei number an chhinchhiah hman site chu e-challan hmanga sum hi chawitir thin an ni a, sum an chawi hma chuan department lam hian an document an tihthih lailawksak thin.
Lirthei hrang hrang zingah bungraw phurhna atana hman, light goods vehicle (LGV) chu dan bawhchhia man tam ber an ni a, kum khat chhung hian 1,066 an man tling hman a. A dawtah maxi cab an ni a, 747 an man a. Document fel lo bakah an phurh theih zat aia tam phur leh an phurh loh tur phur an ni ber thin. LMV (633), HGV 254 leh ke li nei taxi (176) chu man tam zual an ni.
Lirthei mante sum chawi dan
Thla Sum chawi (Rs)
April 2024 – 10,19,500
May 2024 – 12,49,500
June 2024 – 8,46,000
July 2024 – 10,66,500
August 2024 – 10,28,500
September 2024 – 13,08,400
October 2024 – 16,18,500
November 2024 – 11,01,000
December 2024 – 7,21,500
January 2025 – 5,87,000
February 2025 – 19,65,500
March 2025 – 13,01,000
e-challan – 17,68,500