MZP chuan Myanmar leh Manipur buaina avanga sahimna zawnga Mizoram raltlante tihhmingchhiat nana thu thehdarh ching an awm fo chu vanduaithlak an tih thu an sawi.
Thawhlehnia MZP President H Lalthianghlima kaihhruaina hnuaia MZP Pisapui-a MZP Gen Hqrs extended OB leh Adviser thukhawm chuan, Mizoram a raltlante dinhmun an sawi ho a. Raltlante Mizoramah an tam tawh avangin hnawk tihna tawngkam pawh a tam ta hle a. Raltlante zingah thil tisual an awm chuan dan anga hrem thin turin thuneitute an ngen.
Thukhawmah hian eng emaw hlekah raltlante phih awhna tur dapa tihhmingchhiat nana thu thehdarh ching an awm ta fo hi vanduaithlak an tiin, hei hian Zofate inpumkhatna leh inunauna a tihchhiat thu an sawi a. Hetiang thu belhchian dawllo hmanga raltlante puh chhiatna, finfiaha rang taka chhuichhuaktu Mizoram Police-te chungah lawmthu an sawi.
Meeting chuan Mizoram mipui leh raltlante inkarah inhriatthiamna a siam beiseiin raltlante enkawl dan leh chhawmdawlna mumal zawk a awm theih nan Mizoram sorkarin dan mumal tak siam thuai se an duh thu an sawi.