Aizawl: April 8, 2025 atanga Social Welfare, Women & Child Development hnuaia Directorate of Social Welfare huaihawtin a vawi khatna atana a buatsaih, National Tribal Youth Festival chu nimin khan Social Welfare Minister Lalrinpuiin a khar.
STRTC, Kelsih-a kharna inkhawmah khuallian Lalrinpuii chuan thusawiin, Social welfare department ten National Tribal Youth Festival hlawhtling taka bul an tan thei chu lawmawm a tih thu sawiin, festival hi a leh pek zel atan sorkar tan pawh inzirna tha tak a nih ngei a rin thu a sawi.
Dr. Lalhriatzuali Ralte, Director, Social Welfare Department kaihhruai kharna inkhawmah hian Mizoram Legislative Assembly speaker Lalbiakzama leh Deputy Speaker Lalfamkima te’n an tel pui bawk.
He hunah hian Octave Mizo Choir, Huiva, Thingsiri leh Chawkhlei Cultural Club bakah MCO club pariat ten hnam lam an entir a. Chawhnu leh zan lamah Musical Festival neih a ni a. He he hunah hian hmeichhe guitarist lar, Manipur atangin Vawnchawi Vaiphei leh Ngaland atangin Imnainla Jamir te’n show an nei bawk.
Ni thum chhung awh festival-ah hian Mizoram chhunga tribal thalai nunphung, hla leh hnam zia pholannate, a thlawna hriselna endikna leh a thlawna damdawi semna te, HIV awareness te, food stall leh photo exibition te, tribal kutchhuak ei leh ila bakah kut themthiamna te pho lan a ni.
Vawiin hian naupang pual kut hman a ni dawn a. Mizo thawnthu leh nunphung behchhanin Zo Kawsplei inelna neih ani ang a, Mizo naupang infiamna hrang hrang entir anih dawn bakah, Mizo thuama inchei mawi ber thlannate, Open quiz inelna te buatsaih a ni dawn bawk.