AZL: Adviser to Chief Minister Lalmuanpuia Punte, Hrangturzo bialtu MLA chuan Nilaini khan East Lungdar Primary Health Centre a tlawh a, thawktuten an mamawhte an thlen.
Lungdar PHC hian hun rei tak X-Ray khawl an neih loh hnuah bialtu MLA hmalakna avanga khawl hman theih mai tur an nei ta chu lawmthu an lo hrilh bakah thawktu indaih lohna avanga harsatna an tawhte an lo thlen bawk.
Bialtu MLA chuan chief minister leh health minister hnenah an harsatnate a thlen tawh thu leh a rang thei ang bera Lungdar PHC-in harsatna a tawhte chin fel an tum thu a hrilh a ni.
Tun dinhmunah East Lungdar PHC-ah hian khum 10 awmin doctor pakhat, staff nurse pathum leh thawktu dang 17 an awm mek a ni.