Aizawl: Aizawl South II bialtu MLA Lalchhuanthanga, ZPM General Headquarters Treasurer ni bawk chuan a bial chhung ZPM block leh Unit tlawh kualin, Mission veng bazar a hmunah a enfiah nghal.
MLA Lalchhuanthanga hian, Mission vengin bazar changtlung zawk leh thianghlim an neih ngei theih nan theihtawpin hma an la dawn tih sawiin, “Unit hruaitute pawh in pawimawh hle dawn a ni. Vengchhung hmasawnna tura theihtawp chhuah zel turin ka sawm che u,” a ti.
Bialtu MLA hian Salem, Mualpuia Rural Animal Slaughter house panna kawngm Rs nuai 28 senga siamthat tur a enfiah a. Tun dinhmuna an harsatna tawh mek tuiluankawr thawmthatte enfiahin, Slaughter house panna kawng siamtu contractor leh LC-te bakah, helai veng welfare te tangho zel a, hna tha tak leh tlo taka thawk tura a beisei thu a sawi.
MLA Lalchhuanthanga hi Aizawl South II Block hruaitute leh Salem veng Local Council, Mualpui Welfare hruaitu ten an tawiawm a ni.