AZL: AMC Ward-XVI Corporator R.Lalawmpuii, ZPM Zonu Headquarters President chuan nimin khan a bial chhunga veng pahnihah tui dah vawhna khawl (water cooler) a pe.
Water Cooler pakhat hi Bethlehem Veng YMA Hall-a programe pawimawh a awm chang leh Hall hmangtu infiammiten a tul ang a an hman tura a pek a ni a; pakhat dang hi College Veng tan a pe.
College Veng hian thlanmual thar an hman tawh avangin tui thianghlim in tur an nei lo va, an thlanmual thara thlan lai leh thlanmual tlawhtute hman tangkai turin a pe bawk.
Veng pahnihah hian Water Cooler hi khawtlang hruaituten a lo dawng a ni.