AZL: Thawhlehni zing dar 7 rik hma khan Zemabawk Forest Check-gate bulah bike a chesual a, a hmunah hmeichhia, kum 18 mi chu a hliam tuar lovin a thi.
Thudawn danin, Gixxer bike (MZ01 N-6964), Thangrema (22) s/o Thangchhuana, Ngopa, tuna Zemabawka awm khalh, Thingsulthliah atanga Aizawl pana tlan chu anmahni tawk zawnga tlan lirthei lian, Ashok Leyland MZ01 Z-0166 full load nen an inpelhna lamah a che sual a. Bike hnunga chuang, Angely Ramngaihawmi (18) d/o J Lalrosanga, Thingsulthliah chu truck ke ding lamin a chil zui a, ka chhawn lovin a thi.
Truck khalhtu leh handyman te chu vanduaina thlenna hmun atangin an tlanbo nghal a. Police-in an chhui zui mek nia thudawn a ni.