Aizawl: Indian National Congress chuan nimin khan Narendra Modi sorkarin dik lo leh felhlel taka National Herald asset a hrensak leh party hruaitu lawk te thubuai siamsak a, dan leh hrai namnula ‘rule of law’ hnawla Modi sorkar chet dan demna leh lungawi lohna ram pum huapin an lantir.
Congress party chuan, tun hnaia Modi sorkarin behchhan mumal pawh nei hauh lo va, an hruaitu lawk Sonia Gandhi, Rahul Gandhi leh senior leader dangte laka chargesheet a siam chu an dem tak meuh meuh tih an sawi a. Modi sorkar chetlak dan hi ‘idea of democratic opposition’ kalh niin rorel laiin opposition te vaubeh a tumna a nih thu sawiin, “Politics phuba lakna a chhe thei ang berin an kalpui mek a ni,” an ti.
“Congress party leh hruaitute ka hupin a awm ngai dawn lo va. India tan tunhma pawhin theihtawp chhuahin kan bei thin a, tunah pawh kan bei chhunzawm zel dawn a ni. Thudik, justice leh constitutional democracy te chu eng nen mah thleng kan phal ve ngai dawn lo,” an ti bawk.