Pope Francis-a thlaktu tur thlangtu tur, Papal Conclave thutkhawm turah India atangin Cardinal pali an tel ve dawn.
Vatican chuan Thawhtannia thi, Pope hi ni kaw chhung a sun phawt dawn a, hei hi Novendiale an ti a. An kohhran tih dan angin hemi hetih chhung hian a aiawhtu tur thlanna tur atan inbuatsaih niin Cardinal-te chu Vicar of Christ thlang turin an thutkhawm zui ang.
Papal Conclave-ah hian Cardinal 135 an tel thei mek a, heng zinga India atanga tel turte hi Cardinal Filipe Neri Ferrao, Cardinal Baselios Cleemis, Cardinal Anthony Poola leh Cardinal George Jacob Koovakad te an ni.
Kum 51 mi, Cardinal George Jacob Koovakad hi Cardinal-Deacon of S Antonio di Padova a Circonvallazione Appia leh Prefect of the Dicastery for Interreligious Dialogue ni mek a ni.
Kum 72 mi, Cardinal Filipe Neri Antonio Sebastiao do Rosario Ferrao hi Metropolitan Archbishop of Goa & Daman (India), President of Conference of Catholic Bishops of India leh President of Federation of Asian Bishops’ Conferences n mek a ni.
Kum 63 mi, Cardinal Anthony Poola (63) hi Hyderabad Metropolitan Archbishop a ni mek a. Cardinal Baselios Cleemis Thottunkal hi Major Archbishop of Trivandrum of the Syro-Malankara (India) leh President of the Synod of the Syro-Malankara Church a ni mek bawk.
April 19 thleng khan Cardinal 252 an awm mek a, heng zinga 135 chuan Pope thar thlang tur hian vote an nei.
Pope thar thlang tura thutkhawm leh vote thlak chhung hian Sistine Chapel meikhuchhuahnaah meikhu tihchhuah thin niin a rawng azirin thlan fel a ni tawh em tih hriat theih thin a ni a. Meikhu dum a chhuah chuan cardinal-te hian Pope thar tur an la thlang lo tihna a ni a, a var a nih chuan thlan fel a ni tawh tihna a ni.
Pope Francis-a hi Easter Monday tuk khan kum 88 mi niin Vatican-a a chenna, Casa Santa Marta-ah a thi a ni a. Zing dar 09:45 khan Cardinal Kevin Farrell, Camerlengo of Apostolic Chamber chuan a puang zui a ni.