- Mut hunbi siam
Zana i mut hun thin pangngaiah mu la, hman leh awl tak avanga rei tak tak movies en leh games khelh te hi chin loh a tha. Mut hmâ, darkar 1 vel la awm ah TV en tawh loh, games thlenga khelh loh ngam tawh tur a ni. Screen atanga eng lo chhuak hian muttuina thlarau a chawkbuai vek thei.
- Mut bak a ngai lo
Mut i tumna kha TV en loh vang te, hnathawh loh vang te, lehkhabu chhiar loh vangte adt. ang kha ni lovin, mut duh vanga mut tawp mai tur a ni. I taksa leh rilru khan mut nen bak inzawmna nei suh se.
- Mut dan tur ruahman
Min tihah theitu- Exam, chhungkaw inkar, hna leh thil dangte hian tui taka mutna tur hi an dang buai hneh viau mai a. Mei i tih thih hnu-a chhun lama i thil tihte ngaihtuah kir a, a tuka tih tur i dap kual chiam anih chuan a tha ber chuang lo.
- Mut hmâ minute 90 la awma inbual
Tuiluma inbual hian taksa lumna a tisâng a, chumi hnu-a lumna lo tlahniam leh khan mut a tichhuak ve thei tlat. Bawnghnute lum pip pep in a tha bawk.
- Riltam a tha lo
Mut dawn a ruaia thil ei teuh a pawi theih ang bawkin pum ruaka mut pawh a tha chuang lo. Zanriah hi chu a awm mawi tawk chauha ei thin ni se, dar 9 vela mut tum tan dar 6 velah chuan zanriah ei hman ngei ni thei se duhthusam a ni.Kamram mai mai ei lo bawk la.