Aizawl: Rural Development Minister Prof Lalnilawma chuan state hmasawnna chu Zokhaw lama hmasawnna tel lo chuan a tluantling thei lo niin a sawi.
Nimina Mizoram State Rural Livelihood Mission Staff Welfare Association (MISWA) General Body Meeting, Chanmari YMA Hall, Aizawl-a neihah khuallian niin minister hian a hmanpui a. Thusawiin, state hmasawnna chu zokhaw lama hmasawnnna tel lo chuan a tluantling thei lo va, chumi atana MZSRLM hmalakna chu a pawimawh hle a. MZSRLM chu mi dangte tana malsawmna a nih fo thin thu a sawi.
Prof Lalnilawma chuan MZSRLM hmalakna avanga zokhaw lama thalaite tana eizawnna kawng inhawngte, Ropuiliani Women Self-help Group Producer din a nite chu ram pum huaap pawha chhuanawm a tih thu sawiin, hmalakna hlawhtling lehzual nei thei turin thawhhona ngai pawimawh chhunzawm zel turin a chah.
MISWA GBM hi C Lalruatfela, Chairman MISWA-in a kaihruai a ni.