Aizawl: ZORO General Headquarters chuan Mizoram huam chhungah Tripura sorkarin hma la tawh lo se an duh tih an sawi.
Nimina an thuchhuahah ZORO chuan, Phuldungsei ram chhunga Tripura sorkarin hna a thawk chu tha lo an tih thu an sawi a. Mizoram chhunga Tripura sorkarin hna a thawh chungchanga District Magistrate, Mamit District-in April 16, 2025-a thu a chhuah vat leh hnathawh chawh san a ni ta chu lawmawm an tih thu sawiin, Mizoram area chhungah Tripura Sorkar hian hma rawn la tawh lo sela, Mizoram sorkar pawhin a ram chhung a nihna ang taka hum halh tlat turin thuneitute a ngen.
ZORO chuan border area a nih anga tha zawka humhalh a nih theihna turin hmasawnna ruhrel nasa zawka kal pui tur leh Kawnpui IR Battalion te pawh tiliana thuam chak turin Mizoram sorkar a ngen a. Zampui Phuldungsei VC chhungah MBSE hnuaia HSLC pass theihna chin tal zirna school dah tur leh Health Sub-Center tha tak dah sak turin a ngen bawk.
Zampui Mizo-te hi Indigenous Peoples (a ram leilung neitu, tualto hnam) an nih angin state pahnih ten helai hmun Border area a hmalakna an nei dawn a nih chuan helai hmuna cheng Zampui Mizote rawn chung leh an hriatpuina nena hma la thin turin Mizoram leh Tripura sorkar a ngen nghal bawk.