Lemchan thiam Drew Barrymore chuan tar anga lan mai a la tum lo a, a taksa mawina leh lan nalh reng theihna chhan a sawi chhuak.
Tun hnaia show pakhata an kawmnaah he thu hi zawh niin, zawhna zawttu chuan a tar harna leh a vun la nalh em em nachhan chu engtinnge a tih bik tih zawtin, hlim takin Barrymore chuan he zawtna hi a chhang.
Kum 50 mi Barrymore chuan cosmetic lam thil reng reng engmah a hman ngai loh thu sawiin, hmeichhiate chuan selna leh duh khawp lohna midang hnen atangin kan dawng chamchi pawh a ni thei, mahse ka nun leh taksa chu keima duh dan ang ngeia kalpui ka tum hram hram thin thung, a ti.
Cosmetic thil hmanga nalh a tum ngai loh thu hi a pha lo a, ti ve rawh u ka tihna erawh a ni lo, in tana tha tur erawh ngaihtuah reng thin rawh u, a ti thung.
Charlie’s Angel star hian engkimah kan inhriatthiam a, kan inthlawp tawn thiam a tul thu uar taka sawiin, mitinin tlin tawk lohna pawh kan nei hlawm ngei ang, mahse inzahtawnin, mahni tana tha tur i ngaihtuah thiam ang u. Mi hmaa kan lanin midangte ngaihtuah reng renga buai mai lovin, mahni tana tha thei ang ber i ngaihtuah zel zawk ang u, tiin fuihna a sawi tel bawk.