Aizawl: ZPM Thalai chuan ZPM sorkar chu kut hnathawktute tana ding an nih anga sawhthing an lei chhunzawm zel chu chhuanawm an tih thu an sawi.
Inrinnia an thuchhuahah ZPM |halai chuan, ZPM kaihhruai sorkar chuan an intiam angin February 20, 2025 atang khan a thawhkhat nan sawhthing a lei tan a, hemi tum hian kut hnathawktu chhungkua 7,689 atangin quintal 72,003 lei a nih hnuah, a thawh hnihna atan April 21, 2025 atangin Secondary Collection Centre hrang hrangah sawhthing lei leh tan a ni a, Direct Purchase leh Auction hmanga sawhthing lei hi a kalpui chhoh mek tih an sawi.
ZPM Thalai chuan chief minister Lalduhoma kaihhruai ZPM sorkarin kut hnathawktute dinchhuah nana thlai thar leina tur Mizoram budget a ‘dah’ a ni hi lawmawm an tih thu sawiin, “‘Kan danglam bik ang’ tia tiamtu ZPM chuan a insawi ang ngeiin kuthnathawktute thlai thar a lei ta ngei bawk a ni,” an ti.
Kut hnathawktute tana ZPM policy a hlawhtlin theihna tura rim taka theihtawp chhuah rengtu Agriculture Minister PC Vanlalruata, Adviser to CM Dr K.C Lalmalsawmzauva leh Agriculture Marketing Board Member zawng zawngte an chhuan thu leh Zoram tana an hnathawh hi a ropui an tihthu an tar lang bawk.