Aizawl: Lengpui Airport panna kawng, tuikhawhthla bula lung tlain car pakhat a delh a, a chuang mi pali zinga pathum an thi a. Thite hi Aizawl Falkland venga cheng vek an ni.
Thudawn danin nimin chawhnu dar 3:45 vel khan Hyundai i10 car (MZ-04 0330) chu Lengpui atanga Aizawl pana a tlan laiin Lengpui Pukpui tuikhawthla bula lung tlain a delh a, car hi a chhe hneh hle.
Lirtheiah hian mi pali, hmeichhia pahnih leh mipa pahnih an chuang a ni.
Lirthei khalhtu, Lallawmzuala, s/o Lalrinliana, Falkland chu dama lak chhuah niin Lengpui damdawi in panpui nghal a ni.
Lirtheia chuang vanduaina tawka thite hi Lalrinliana h/o Lungtiawii, Lungtiawii w/o Lalrinliana leh Vanlalhruaii, d/o Lalrinliana te an ni a. An pathum hian Aizawl Falkland venga cheng vek an ni a. An ruang hi Lengpui damdawi inah lak phawt an ni.