AZL: BJP Mizoram State Core Group member K Hrahmo, MLA chuan Mizoram mipui mamawh ang chu sorkar laipuiin a tihlawhtling mek zel niin a sawi.
BJP Mizoramin nimina an party pisa-a chawlhkar thar inhlan tharna leh political session hun an hmanah thu sawiin K Hrammo chuan, ADC pathumah hian a rualin BJP chiah hi sorkarna siam thei tur awmchhun an ni tih a sawi a. ADC mipuite hian tawngka chauha hmangaihna ni lo, a taka lantirtu party an duh tawh a, BJP-ah beiseina an neih avangin, BJP lam an hawi thup tawh tih sawiin, “ADC mipui mamawh ber chu development a ni a, development pe thei tur party chu BJP a nihzia an hmu chho mek zel a ni,” a ti.