AZL: BJP Mizoram chuan BJP state hqrs., hriatpuina lova sorkar laipuia thil dil chhuak thei nia insawite lakah fimkhur turin mipui an chah.
Nimina thuchhuah an siamah BJP Mizoram chuan tun hma atang leh vawiin thleng hian an party hminga sorkar laipuia thil dil chhuak thei nia insawi thin leh, central-ah project tihpui thei nia inchala mi bum thin an awm tih an sawi a. Aizawl mai bakah, thingtlang lamahte a khua khuaa bum a, sorkar laipuia hma laksak thei nia insawiten sum an dil thin pawh an awm tih an sawiin, heng mite lakah mipui fimkhur turin an chah.
BJP Mizoram chuan BJP hminga thiltithei nia insawite avanga BJP hming sawichhiatna remchang a awm thin chu pawi an tih thu an sawi a. Thil pawi a thlen hmaa engkim fiah hmasa turin mipui a ngen tih an sawiin, heng ti thinte hi an hriatpui loh an nih avangin harsatna lo tawk an awm anih pawhin mawhphurhna an nei lo tih sawi bawk.