Aizawl: END chuan Nilaini zing dar 8 bawr khan Zokhawthar Road, Champhai District-ah heroin gram 451.100 (hawng 40) leh a neitu nia puh, Rohlupuia (38), Tuirial Airfield Veng nia insawi an man.
Heroin phurhna atana hman Ignis car (MZ01 AD-3270) pawh hrensak nghal a ni. He thubuaia inhnamhnawih nia sawi pawh court phalna lain man tuma hma an la mek niin END hotute chuan an sawi.
Heroin kaihhnawiha man hi Section 21 (c) of The Narcotic Drugs & Psychotropic Substances Act, 1985 tlawhchhanin thubuai siamsak an ni a, April 30, 2025 khan District & Sessions Court, Champhai-ah hruai nghal a ni.
He thubuaiah hian thiam loh a chang a nih chuan tan inah kum 10 atanga kum 20 chhung tang tur leh pawisa Rs nuai khat atanga nuai hnih thleng chawi tura rem theih a ni.