Aizawl: Excise and Narcotics department chuan sorkar phalsak Hnahlan leh Champhai (Tlangsam)-a siam wine ni lo zawrh chu dan bawhchhiatna a nih thu leh hrem theih an nih thu nimin khan hriattirna a tichhuak.
Hriattirna tihchhuahah hian END chuan, tun laiin Mizoram hmun hrang hrangah sorkar phalsak, Hnahlan leh Champhai (Tlangsam)-a siam wine ni lo, mi thenkhatin thei leh ser bakah thil dang hmanga alcohol tel wine leh in tur chi hrang hrang an zuar leh in an awm chu, hei hi tunah chuan danin a khuahkhirh mek leh chumi bawhchhia chu dan tlawhchhana hrem theih an nih avangin hetiang thil zuar a, lei lo tur leh in lo turin hriattirna a tichhuak a ni.