Hollywood nupa inkawp rei pawl zinga mi Tom Hanks leh Rita Wilson te chuan an inneih cham tum 37 chu hlim taka lawmin, tuia inhaw lo taka an inchiahdun lai thlalakte an pholang.
Hanks, kum 68 mi chuan a nupui nena chawlh hlimawm tak an la hmang dun thei zel chu thil lawmawm tak a nih thu sawiin, ‘Kan inneih cham’ vawi 37-na kan hmang thei hi ka lawm a, ka hmangaih che, Mrs T Hanks’ tiin a nupui nena an thlalak dunah a tarlang.
Hetihlai hian Wilson pawhin a pasal nena an thlalak dun hlimawm tak takte tarlang ve in, social media lama a post siam caption-ah, ‘Happy 37th anniversary my love! Kum hei chen vei tawh mah se, ka thinlungah i lan dan engmah a la danglam lo,’ a ti ve hnap bawk.
An nupa hian kum 1981 a ABC sitcom bosom buddies set-ah intawng hmasa berin, chutih lai chuan Hanks leh a nupui hmasa Samantha Lewes te an la innei a, kum 1987 khan anni nupa chu official-a inthen zuiin, heta tang hian Hanks leh Wilson hi inzui nghet lehzualin, an innei zui ta bawk a ni.