Aizawl: 10th College Extension Advisory Committee (CEAC) chu Thawhtanni khan an thukhawm a. College of Veterinary Sciences & Animal Husbandry Selesih-in a thawhpui Mizorama line department hrang hrang – AH & Vety department, SIRD&PR, MULCO, KVK, VTC Selesih, college faculty-te, self help group hruaitute leh ran vulhtute leh loneitute an tel.
Kum khat chhung (2025- 2026) atana college-in line department tan, self-help group, ran vulhtute leh loneitute tana hamthatna tur leh hma an lakna tur, a bikin training chi hrang hrang field visit, animal health camp leh thil dang thlir ho.
Thutkhawmah hian external expert atan mi pahnih – NDVSU Jabalpur Extension Education director Dr Sunil Nayak leh joint director i/c ICAR-RC for NEH Region Mizoram Centre, principal scientist Dr Sumit Doley te chuan college-in kum khat tana an hmathlir endikin an pawmpui a, thurawn an pe bawk.
Special invitee pahnih – Extension Education Council CAU member Dr David Lai chu loneitu aiawh leh SHDF Foundation neitunu Lalthangmawii chu social worker aiawhin an tel a ni.
He thutkhawm hi kum tin CVS&AH CAU Selesih hian a buatsaih thin a. Kum khat chhunga hmalakna tur leh kum kaltaa hmalakna thlir let thin a ni.