Aizawl: Chief Minister Lalduhoma chuan a pisa-ah Prof Fauzia A.A Arshi, Managing Director, FA Airlines a kawm a, Mizoram nena thawhhona tur ruahmanna an neihte a sawipui.
An inkawmnaah hian Chief Minister chuan Cargo lama thawhhona neih tha an tih thu leh, an rawtnate chipchiar taka hriat hmasak a tul thu sawiin ziakin kimchang takin theh lut turia tiin, FA Airlines ten Mizoram sorkar thawhpuia an sawmna a lo chhang.
Nimin vek hian an ruahmanna te hi Vanlaldina Fanai, Commissioner, Chief Minister, GAD, Finance etc., hnenah an thlen a ni.
Prof Fauzia Arshi chuan Mizoram chu khualzin ten awlsam zawk a an tlawh theih nan te, Mizoram thar chhuah organic thlai zau zawka zawrh chhuah nan te, a tul ang zelin Aizawl khawpui zauh hna emaw khawpui thar din kawngah pawh, Mizoram sorkar nena thawh dunna neih an duh thu leh, an tan sum leh pai senna tur thil a awm vak loh tur thu sawiin, sorkar chu thawhpui an duh a ni ber a, fund an neih thu pawh Chief Minister hi a hrilh a ni.