AZL: Chief Minister Lalduhoma chuan nimin khan a pisa-ah Raja Srivastava, IPS, Addl. Director, CRPF, North East Zone chu kawmin, venhimna lam thil pawimawh a sawi pui.
Chief Minister chuan Mizoramah CRPF ten ram venhimna leh mipuite tana hna tha tak tak an thawh thin avangin lawmthu a lo hrilh a. State Security Coordination kaltlanga thawhhona tinrengah theihtawp chhuahpui turin a sawm.
Raja Srivastava pawhin ram venhimna leh dan bawhchhiatna dona kawng tinrengah state sorkar thawhpui tura an inpeih reng thu a sawi.
Chief Minister hi Vanlaldina Fanai, Commissioner & Secretary in a tawiawm a ni.