- Dr. C. Lalrampana
A KAMKÊUNA
Kei zawng ka pian, ka seilenna ram, Mizoram bak ka vei pha rih lo. A dung mel 200 a vang mel 100; mihring 1,252,000 vel awmna, zo tui thiang, fiara tui luanna, sik leh sa tawk chauha dawn theihna ram, ruahtui pawh a tawk chauha tlakna ram Mizoram hi India rama state 24-na a ni. Mipui tam zawk zaa 87.16% Kristian awmna ram, kohhran pawl hrang hrang awmna; Islam leh Hinduism erawh a tlem zawk an ni a, mipui tam zawng atanga chhuta zaa 1.35% leh 2.75% lek an ni. Hetiang khawpa ringtu tamna ram si kan ram hmingthanna hi a van duhawm lo thin tehlul êm!
ENG NGEE KAN HMINGTHANNA CHU?
“Ram leh hnam hmelma zu leh ruihhlo tawlhruk tamna ram Mizoram chu puak thei thil smuggling atan kawtchhuahpui (transit hub) a ni ta” tiin Prawesh Lama , New Delhi-ami chuan a sawi hmiah mai.
Kum 2024 khan hetiang hi vawi 13 zet man a ni a, bomb puak thei thil kg 2000 chuang, detonator 60,000 leh gelatine stick 13,000 zet a tling a ni. Siaha district-a Assam Rifles chuan Indo-Bangladesh leh Indo-Myanmar ramri inkar sandwich-a awm, mi pakhat chu puak thei thil packet 46, sipai camouflage outfit leh ammunition nen an man. Hei hi kumina he force hian Myanmar emaw hel pawla anti-junta force-te hnena hmarchhak state a?anga bomb puak, 1999-a an lo man chhuah vawi 9-na a ni. Kum 2024 khan hetiang zat hi vawi 13 zet an manna a ni a, bomb puak thei kg 2000 chuang aggregate a ni a, a tlem berah detonator 60,000 a awm a, gelatine stick 13,000 a awm bawk niin Hindustan Times-in data a enfiah dan mila tarlan a ni. Mizoram-ah hian puak thei thil man report a awm fo tawh a, chungte chu: Tun hnai (2024)-a Serchhip khawpuia puak thei thil tam tak Gelatine bomb box 48 (stick 9,600) Box 94 (9,400) detonators Cordtex roll 5 (meter 1,875) man te, February 2023 khan Aizawl-ah SBI ATM booth puak thei hmanga a tihchhiat avanga man Emmanuel Lalbiakzauva chu gelatin stick nen man a ni a, Electric detonator 3,000 leh cordtex meter 700 zeta sei man a ni tawh bawk. Mizoram-a indona ralthuam lakluh hi thil pawimawh tak a ni a, Myanmar & Bangladesh-te nena inhnaih tak a nih avangin ralthuam hralhna hmunpui a ni ta deuh ber a nih chu! AK-47 Rifles & Ammunition: Mizoram Police-te chuan Myanmar atanga Bangladesh thlenga ralthuam smuggling operation neiin an man a, AK-47 rifles 6 leh ralthuam 10,050 rounds 10,050 mi 5 nen an man bawk. Electric detonators: Security force-te chuan electric detonator 3,000, metre 700 zeta thui, leh indona hmanrua puak thei thil an man a, Myanmar mi 2 an man tel bawk. International Arms Smuggling Network Mizoram police-te chuan Bangladesh leh Myanmar inkara international arms trafficking network lian tak an man a, hei hian ralthuam lakluh kawngah hmasawnna nasa tak a thlen a ni. Hriamhrei leh puak thei thil lo lut hian regional stability leh security tan hlauhawm tam tak a thlen mek. International border-a unrestricted movement chuan ruihhlo leh ralthuam bungrua a pun zelna kawngah a pui a ni. Heng thil thlengte hian Mizoram-a security force-te’n ralthuama sumdawnna leh regional security vawng nung tura an hmalakna kal mek chu a taka a hlawhtlinzia a tilang a ni. Myanmar-a hel pawl Chin National Front (CNF)-a hruaitu pakhat telin rinhlelh mi panga an man a, hei hi India hmarchhak kaltlanga ramria dan lova Bangladesh-a an phurh avangin man an ni, tiin police-te chuan an sawi. Operation lian takah chuan Mizoram Police-te chuan hmeichhe pakhat nen thawhhona tha tak an nei a Intelligence Agency, chuan 1999-ah khan ralthuam leh ralthuam man a tam hle. West Phaileng Police Station huam chhunga Saithah khaw dai, Mamit district-ah operation neih a ni a, Mizoram-a arm recovery lian ber zinga mi a ni. He bialah hian dan lova operator-te hnena vaukhânna khauh tak thlen a ni. Operation neih chhung hian a hnuaia mi ang hian recovery lian tham tak an nei a ni. Hetiangin: (a) AK-47 Rifles : 6. (b) AK ralthuam : Cartridge 10,050 a awm a. (c) Magazine : 13. Hetianga an man hian regional peace and stability atana hlauhawm tak 1000 chu a neutralised a ni. He ralthuam man chungchangah hian mi panga man an ni tawh bawk. Man zingah hian Chin National Front (CNF) hruaitu langsar takte pawh an tel nia hriat a ni. Midang nihna sang tak tak nei man tawh pawh 100 an tling tawh nia sawi a awm. Hei hi State of 1999-a counter-insurgency operation hlawhtlinna pawimawh tak a ni. Mizoramah hian Preliminary investigation hlawhtling tak kalpui a ni.
A TLÃNGKAWMNA
Mizoram hi India hnarchhak kilkhawr, Burma leh Bangladesh ramria awm a nih avangin ruihhlo hlauhawm leh rathuam hlauhawm, smuggling chihrang hrang rangkachak leh lunghlu, pawisa lem tawlhrukna kalkawng pui ber a ni mek a, a chhunga cheng Pathiannung betute nundan tur nena khaikhin chuan kan thil tawn mekte hi a va han inmil lo thin tehlul êm! India ram state 28 leh UT 8 zingah HIV+ hluar berna, nuthlawi leh hmeithai tam berna, chhungkaw kehchhia leh ruihhlo vanga thalai thih tam berna, biak in tha neih kaawnga nasa taka intlansiak mek, inkhawm tam, tawngtai nasa, Pathian rawngbawl aia kohhran rawngbawl ngai pawimawh, in insicheta sak ching rilru erawh inhlat, a langa Pathian thu awi tamna, a taka belhchian dawl awm hauh si lo; lirnghing leh thlipui ruahpui laka zam awlleh hle site hi kan inenfiah a va hun tehlul êm! Ramdang vei chiam chiam thei kan ni lo. Bultan that tuma rilru lam thuam that (moral reformation); khawtlang siamthat (social reformation) kan mamawh takzet ta. Hetiang renga kan awma insiamthat kan tum loh chuan Welsh ram kan vei êm êm thinte ai khuan a let 70 hmun 70-in kan la sual zawk dawn a ni. Chuvangin, sawrkar, kohhran, NGO leh mimal tinte hian kan Zoram mawlh mai hi I vei tlang teh ang u.