Aizawl: Mizorama ni hnih cham tura zin, Shobha Karandlaje, Minister of State for Micro, Small and Medium Enterprises and Labour & Employment chuan nimin khan Sihhmui, Sairang leh Ramhluna Prime Minister’s Employment Generation Programme (PMEGP) hnuaia Carpentry, Bakery, Handloom, Food Processing leh Barbar trade thlang, hamthatna dawngtute a kawm.
Karandlaje chuan sorkar laipui ruahmanna hnuaia hamthatna dawngtuten an khawsak dinhmun chawikan nana PMEGP hnuaiah eizawnna ngelnghet an nei thei chu lawmawm a tih thu a sawi a. Hamthatna dawngtute hmalakna zarah eizawnna siam belh a ni chu thawktute fakawm a tih thu a sawi a. Thalaite thiamna tipung a, eizawnna ngelnghet siam belh zel chu PMEGP thil tum pawimawh tak a nih thu sawiin, sorkar laipui scheme hrang hrang hnuaia hlawhtlinna changtu leh ram hmasawnna thlentu nih tum tlat turin hamthatna dawngtute chu a chah.
An inkawmnaah hian Maria CT Zuali, Director, Commerce & Industry Department; Ashish Modak, Director, KVIC Office, Aizawl, MSME Facilitation Office, KVIC Aizawl leh Commerce & Industries Department-a thawktuten an tel.