Aizawl: BJP Mizoram chuan India sipaite tan tawngtai turin Mizoram kohhran hrang hrang an ngen.
Nimina an thuchhuahah BJP Mizoram chuan, Pahalgam-a firfiak te’n khualzinte an beihna avanga firfiakte a beih letnaah chhanna nasa tak a pek avangin, India sipai te’n venhim kawngah chak takin hma an la mek a, India ram zalen tak leh ralmuang taka a awm leh theihna tura India sorkarin a khua leh tuite thlavang hauh nana huaisen taka a hmalakna chu a ropui an tiin, India ram ropui zia lannaah an ngaih thu an tar lang.
BJP Mizoram chuan venhimna hna thawktu sipai chanvo hrang hrang chelh tute tan, Mizorama kohhran hrang hrangte tawngtaipui turin an ngen a, India sipaiah hian Mizo hnahthlak tam tak an awm bawk avangin ram venhimhna thawktute Pathian awmpuina leh venhimna an chan theih nana Mizorama kohhran hrang hrangte tawngtaipui turin kan sawm a ni.