Jennifer Lopez chuan tun hnai khan a fate naupan lai zawng zawnga kaihhruai hna a thawh duh avanga a inpek pumhlum tawp thin thu a sawi.
Kum 55 mi zaithiam hian Up All Night Tour nei tura inbuatsaih mekin, hemi inbuatsaihna kaihhnawihah hian Spanish chanchinbu El Pais chuan an kawm a, a fa phir Emme leh Max, kum 17 mi ni ve tawhte chuan an naupan laia nu hmangaihna an dawn loh a hlauh luat avangin engkim kalsana a enkawl tak meuh thu a sawi chhuak.
A sawi zelnaah Lopez chuan, ka enkawl tak tak chhung kha chuan min hmu mang lo ang. A reh hian ka reh tlawk tlawk mai a ni, a ti a. A fate enkawl chu hna pui bera a neih thu a sawi.
“Inah ka awmpui chawt tur a ni a, tul pawimawh zawng zawng kalsanin, ka uap lumin, a tan ka inpumhlum tawp tur a ni,” tiin a fate a enkawl dan a sawi bawk.
Hetianga a tih avang hian a fate nen an inkungkaihna a nghet bik niin a sawi bawk a, khawvel hmun hrang hrangah vawiin thlengin kan la zinho thei a, ka bulah tour an nei a, American Idol thlengin kan kal ho dawn, a ti zui bawk a ni.
Tunah hian a fa phir unaute hian kum 17 tling ve tawhin, an piancham a lawmpuinaah pawh a hmangaih reng an nih tur thu a ziak kur nasa hle.