Aizawl: Vaivakawn Zohnuai leiminna thlanga nimina ruang hmuh chu kumin January thla atanga chin hriat loh a awm, Christopher Lalruatfela, Dawrpui Vengthar a ni tih finfiah a ni.
Ningani chawhma lam khan Vaivakawn Zohnuaiah leiminah bike pakhat lai chhuah a ni a. He bike hi kumin tir atanga chin hriat loha awm, Christopher Lalruatfela bike ni ngeia hriat a ni a. RV Road (Hunthar area), Zohnuai leiminna zawn thla zelah bike hi lakchhuah a nih hnuah, Central YMA Disaster Response Team te’n a bik hmuhna thlang lengkirah, tlai dar 4-ah a ruang an zawng hmu a. Hemi hnu hian ruang hi lak chhuah a ni.
Ruang hi lak chhuah a nih hnuah, a kawr leh kekawr hak atang leh a mobile phone atangin Christopher-a ngei a ni tih finfiah a ni.
Christopher-a ruang hi ZMC-ah post mortem tura phurh phei niin, post mortem zawhah Dawrpui Vengthara an chenna inah luh pui a ni a. Nizan vek khan vui nghal a ni.