Boruak a inthlak a, khawlum karah ruahtui bawhawk kan dawng chho tan a, to thli leh ruahthimpui thlen hun kan tawng chho leh mek. Mitin kan fimkhur zual a ngai hle.
Hetiang hunah hian chetsualna leh khuarel chhiatna hrang hrang a thleng duhin, tlang hri leng hrang hrang a tam duh hle a, kan chet tlatna hmun hrang hrang kan enfiah ngun pawh a ngai awm e.
Khuarel chhiatnate hi kan hriat lawk theih a ni lo chungin fimkhur erawh kan tih theih a ni a, zin veivak mite tan zan thim ngam lutuk loh pawh a tha rih viau mai.
Tlang hri leng hrang hrang lakah pawh a theih chin chinah kan fimkhur a, kan inven lawk thiam a tha hle. Ruahsur do ngawtte hi loh theih loh a nih lem loh chuan chin tam chi vak a ni lo a, kan hriatreng hnu hi inhrilh nawn fo ngai mihring kan ni tih i hrereng ang u.
Sawi hmaih theih loh chu kan leivung paihna leh bawlhhlawh paihna hmun fimkhur a tul reng thu hi a ni bawk. Mahni duhna hmun hmuna kan paih ngawt hian kan tui tlan kan tibawlhhlawh hle a, ruahsur laia tui ngah zawk awm tak si hian kan nghei phahin, tui tinutu zawk kan nih hlauh theih avangin kan sim a hun hle.
Tui hnianghnar kan dawn theih hun tura kan ngaihah pawh tui a nut nasat avangin a tihfimna lamah chet lak a harsat phah a, leivung leh lei laihna hnawk thil dang duhna lai laia paih ngawt hi sim ila, keimahni leh keimahni hi harsatna i insiam zui lo teh ang u.