Hollywood star Angelina Jolie chuan a single rei tawh thu leh a duhtui deuh deuh vanga kawppui nei hlei thei lo a nih thu a sawi.
Kum 2019 a Brad Pitt nena an inthen hnu atang khan a la mal tlat tluang zel a, an fate paruk- Maddox, (23), Pax (21), Zahara (20), Shiloh (18), leh phir unau Knox & Vivienne (16) te nen hun an hmang mek.
Dating chungchang a rik tawh chuan ‘Loh tur’ a ngah viau tawh. “Hun rei tak ka mal tawh a, kawppui tur thlan dawn pawhin ‘Loh tur’ list ka ngah tial tial mai,” a ti.
Fate paruk enkawl reng rengin buai mah se, an fate hi an mahni tawk theuha an puitlin hlawm avangin buaipui zui an ngai viau lo niin, E! News a hrilh.
“Thiltithei tak fate paruk ka nei. Taksa leh rilru lamah pawh an mahni tawk theuhin an chak hle a, hei vang hian kei ngei pawh hi kawng engkimah Nu nih tling turin ka inbuatsaih sauh sauh thin a, an tan entawntlak nih ngei ka tum a ni,” tiin Jolie hian a sawi.
Hollywood nupa zinga lar ber pawl ni pha Jolie-Pitt te hian a tir lamah nupa hlimawm nun din ve bawk mah se, a hnu lamah inmil lohna leh buaina neuh neuh vanga inkawp rem thei lovin, an inthen ta a, nupa inthen zinga lar ber pawl an ni leh tho.